विशेष खबर

भक्तपुर नगरपालिकाका प्रमुख सुनिल प्रजापतिले विभिन्न जिल्ला र स्थानीय तहहरुको अध्ययन भ्रमणका क्रममा आज महोत्तरी जिल्लाको बर्दिबास नगरपालिकाका नगर प्रमुख प्रह्लादकुमार क्षेत्रीसँग भेट गर्नुभयो । प्रमुख क्षेत्रीले प्रमुख प्रजापतिसहितको टोलीलाई बर्दिबास नपामा खादा ओढाएर स्वागत गर्नुभयो । उक्त भेटघाटमा उहाँहरुबीच दुई नगरपालिकाका विभिन्न पक्ष र देशको समसामयिक राजनीतिक विषयमा छलफल भयो । प्रमुख प्रजापतिले भक्तपुर नेपालको सबैभन्दा सानो सहर हुनुका साथै धेरै जनसंख्या भएको सहर भएको बताउँदै भक्तपुर नेपालको सबैभन्दा धेरै घुम्न जाने पर्यटकीय गन्तव्य हो भन्नुभयो । नगरपालिकाले शिक्षा क्षेत्रमा गरिरहेका उदाहरणीय कामहरुबारे अवगत गराई नपाले सातवटा कलेजहरु सञ्चालन गर्नुका साथै गरिब तथा जेहेनदार विद्यार्थीहरुmलाई छात्रवृत्ति र आर्थिक रुपले विपन्न विद्यार्थीहरुलाई शैक्षिक ऋणको पनि व्यवस्था गर्दै आएको बताउनुभयो । प्रमुख प्रजापतिले देशको वर्तमान राजनीतिक अवस्थाले देशलाई अराजकतातर्फ लाने सम्भावना भएको बताउँदै देशलाई आत्मनिर्भर बनाउने प्रयास गर्नुपर्ने बताउनुभयो । बर्दिबास नपाका प्रमुख प्रह्लादकुमार क्षेत्रीले स्थानीय सरकार आएपछि बर्दिबास नपामा धेरै विकासका गतिविधिहरु अगाडि बढेको स्मरण गर्दै स्थानीय सरकारलाई स्वायत्त रुपमा काम गर्न धेर्र कठिनाइहरु रहेको उल्लेख गर्नुभयो । जेनजी आन्दोलनले देशैभरिका सरकारी कार्यालयहरुमा भएको आगजनी र तोडफोडले देशलाई थप आर्थिक भार परेको बताउँदै उहाँले देश पुनः पहिलेको अवस्थामा आउन अझ धेरै समय लाग्ने बताउनुभयो भेटमा बर्दिबास नपाका उपप्रमुख तारादेवी महत्तोले बर्दिबास नपाले गर्भवती महिलाहरुको लागि निःशुल्क एम्बुलेन्स सेवा र सबै नगरबासीहरुको लागि निःशुल्क रगतको व्यवस्था गर्दै आएको बताउनुयभो । बर्दिबास नपाभित्र ५२ वटा विद्यालयहरु रहेको र ती विद्यालयमा पठनपाठनको लागि शिक्षकको अभाव रहेको औंल्याउँदै उपप्रमुख महत्तोले बर्दिबास नपामा विभिन्न जातजाति, भाषाभाषीका जनताहरुको बसोबास रहेको बताउनुभयो । बर्दिबास नपाभित्र मुसहर बस्ती पनि रहेको उल्लेख गर्दै उहाँले नपाभित्र उत्पादित कृषिजन्य वस्तुहरु काठमाडौं उपत्यकामा निर्यात पनि हुँदै आएको बताउनुभयो । उक्त भेटघाटमा भक्तपुर नपाको तर्फबाट वडा नं. ३ का वडाध्यक्ष राजकृष्ण गोरा र कार्यपालिका सदस्य रोशनमैंया सुवाल पनि हुनुहुन्थ्यो । त्यस्तै बर्दिबास नपाका प्रमुख प्रशासकीय अधिकृत राममणि अधिकारी, कार्यपालिका सदस्य, न्यायिक समितिमा कर्मचारीलगायतको पनि उपस्थिति थियो । भेटपश्चात नगर प्रमुख प्रजापतिले प्रमुख क्षेत्रीलाई नगरपालिकाका प्रकाशनहरु उपहारस्वरुप प्रदान गर्नुभयो |  

काठमान्डौ अहिलेसम्ममा ५६ हजार ६७३ जना काठमाडौँ महानगरबासी स्वास्थ्य बिमा कार्यक्रममा आवद्ध हुनुभएको छ । यसमा यसमा १३ हजार ५७५ जना ज्येष्ठ नागरिक, १ हजार ८५ जना अपाङ्गता भएका व्यक्ति, एचआइभी संक्रमित २ जनासहितका व्यक्ति हुनुहुन्छ । आर्थिक वर्ष २०८१/०८२ मा महानगरपालिकाबाट १ लाख ९४ हजार १९३ जनालाई स्वास्थ्य सेवा प्रदान गरियो । उहाँहरुमध्ये ८४ हजार ७०४ जनाले बहिरङ्ग सेवा लिनुभयो । यस वर्ष ३० वटा स्वास्थ्य संस्था दर्ता र नविकरण गरिए । १२० वटा स्वास्थ्य संस्थाको अनुगमन गरियो । १ हजार ८७ जनाको विपन्न नागरिक उपचार शिफारिस भयो । वेवारिसे, विपन्न र वेसहाराको निःशुल्क उपचार अन्तर्गत २१० जनालाई निःशुल्क उपचार सेवा प्रदान गरियो । नसर्ने रोग स्क्रिनिङ् महाअभियान अन्तर्गत २६ हजार १९ जनाको जाँच गरियो । किशोरीहरुको रक्तअल्पता स्क्रिनिङ् कार्यक्रममा २ हजार ३ सय किशोरीहरुको परीक्षण गरियो । १ हजार २२२ पिन्ट निःशुल्क रगत र रक्त तत्व उपलब्ध गराइयो । वडा नम्बर १, ८, १०, १२, २६ र ३० बाट भिडियो एक्स रे सेवा प्रारम्भ गरियो । महानगरपालिकाले ३२ वटै वडामा स्वास्थ्य प्रवर्धन केन्द्र स्थापना गरियो । ३१ वटा वडामा प्रयोगशाला र फिजियोथेरापी सेवा समेत सञ्चालन गरियो । यी केन्द्रसँगै महानगरपालिकाभित्र एउटा प्राथमिक स्वास्थ्य केन्द्र, ६ वटा सुरक्षित गर्भपतन सेवा केन्द्र, १ वटा वैकल्पिक चिकित्सा तथा आयुर्वेदिक संस्था र एउटा अक्युपङ्चर सेवा छन् । यसै वर्षदेखि ७० वर्ष उमेर पूरा भएका ज्येष्ठ नागरिकहरुले सेवन गर्ने दीर्घ रोगका उपचारका लागि प्रयोग गरिने औषधिहरुको लगत संकलन थालनी गरिएको छ । २४ सै घण्टा निःशुल्क एम्बुलेन्स सेवालाई निरन्तरता दिइयो । पर्व र विभिन्न अवसर पारेर २५ वटा स्वास्थ्य शिविर सञ्चालन गरेर करिब १५ हजार सेवाग्राहीलाई स्वास्थ्य सेवा र परामर्श प्रदान गरियो । डेङ्गी रोग नियन्त्रणका लागि विशेष अभियान सञ्चालन गरियो । यस वर्ष खोप सेवा प्राप्त गर्नेहरुको संख्या १६ हजार १८८ जना रहेको छ । स्वयम् सेविका मार्फत ५९ हजार ६२० जनाले सेवा प्रदान गरियो । १० वर्षदेखि १९ वर्षसम्म उमेर समूहका किशोर किशोरी पोषण कार्यक्रमका लक्षित वर्गको संख्या ७३ हजार ८९२ जना थियो । यस समूहका किशोरीहरुलाई आइरन र फोलिक एसिड वितरण गरियो । एक वर्ष अवधिमा १३ हजार ६६० जना शिशुको जन्म भयो । शिशुको सुरक्षित जन्मका लागि गर्भवती आमालाई स्वास्थ्य सेवा प्रदान गरिएको थियो । सुत्केरी आमालाई भिटामिन ए र आइरन चक्की प्रदान गरियो । यस्तै उहाँहरुलाई उत्तर प्रसुति जाँच सेवा प्रदान गरियो । खोप अभियानअन्तर्गत २०७३ साल बैशाख महिनादेखि २०७५ असोज महिनासम्म जन्मिएका बालबालिकाहरुका लागि ओरल पोलियो भ्याक्सिन कार्यक्रम सञ्चालन गरिएको थियो । २०८१ जेठ १३ गतेदेखि १९ गतेसम्म चलेको कार्यक्रममा २ लाख ३६ हजार १७२ जना बालबालिका अनुमान गरिएकोमा २ लाख १४ हजार १६५ जना अर्थात् ९० दशमलव ६८ प्रतिशतलाई खोप दिइयो । ५ वर्ष मुनिका बालबालिकाहरुमा हुने रोग नियन्त्रणका लागि ६६ हजार ५१९ जना लक्षित बालबालिका थिए । एमोक्सिसिलिनबाट ११४ जनाको उपचार गरियो । १ हजार ९९१ जना बालबालिका पखालाका कारण उपचारका लागि भर्ना भएकोमा १ हजार ९५६ जनालाई जिङ्क र ओरल रिहाइड्रेसन थेरापीबाट उपचार गरियो । प्रजनन उमेरका महिलाहरुका लागि गरिएको क्यान्सर परीक्षण शिविरमा ३ हजार १६ जनाको नाम दर्ता भएको थियो । उहाँहरुमध्ये ६७० जनाको मेमोग्राम गरियो । ३७० जनाको स्तन परीक्षण गरियो । ५ जनाको स्तनको वायोप्सी गरियो । उहाँहरुमध्ये १ जनामा क्यान्सर देखियो । सामुदायिक विद्यालयमा कक्षा १ देखि १० सम्म अध्ययन गर्ने ६ हजार १७५ जना छात्र र ५ हजार ४६२ जना छात्रा गरी ११ हजार ६३७ जनाको आँखा परीक्षण गरियो । नसर्ने खालका रोगको कारण थाहा पाउन १९ हजार २७७ जनामा धुम्रपान र मद्यपान सेवनको सर्वेक्षण गरिएको थियो । सर्वेक्षणमा सहभागीमध्ये ८ दशमलव ४ प्रतिशतले नियमित सेवन गर्ने गरेको बताउनुभयो । ७८ दशमलव ६ प्रतिशतले कहिल्यै सेवन नगरेको बताउनुभयो । यस्तै २३ दशमलव १ प्रतिशले कहिलेकाहीँ मद्यपान सेवन गर्ने गरेको बताउनुभयो । ६८ दशमलव ५ प्रतिशतले कहिल्यै मद्यपान नगरेको बताउनुभयो । यस आर्थिक वर्षका लागि महानगरपालिकाले स्वास्थ्य क्षेत्रका लागि ९० करोड ५१ लाख ५७ हजार ३ सय रुपियाँ बजेट विनियोजन गरेको थियो । यसमा आन्तरिक स्रोतबाट ७८ करोड २१ लाख ८ हजार ८ सय रुपियाँ, नेपाल सरकारबाट प्राप्त ९ करोड ३८ लाख ६८ हजार ५ सय रुपियाँ र प्रदेश सरकारबाट प्राप्त २ करोड ९१ लाख ८० हजार रुपियाँ थियो । यसरी विनियोजित रकममध्ये आन्तरिक स्रोततर्फ ५५ दशमलव ६४ प्रतिशत वित्तीय प्रगति र ७६ प्रतिशत भौतिक प्रगति भएको छ । नेपाल सरकारबाट प्राप्त रकमको बित्तीय प्रगति ९३ दशमलव २६ प्रतिशत र भौतिक प्रगति शतप्रतिशत भएको छ । प्रदेश सरकारबाट प्राप्त रकमको वित्तीय प्रगति ९६ दशमलव ५१ प्रतिशत र भौतिक प्रगति शतप्रतिशत भएको छ । कुल विनियोजित रकमको वित्तीय प्रगति हेर्दा ६५ दशमलव ८६ प्रतिशत प्रगति भएको छ । गएको वर्षका सिकाइबाट विभागले यस वर्ष स्वास्थ्य विमा प्रथम विन्दु विस्तार गर्ने, केन्द्रीय प्रयोगशाला सञ्चालन गर्ने, सेवाग्राहीहरुको डिजिटल हेल्थ प्रोफाइल तयार पार्ने योजना कार्यान्वयन गरिरहेको छ । वडाबासीलाई प्राथमिक उपचार र आकस्मिक उपचार सन्बन्धी तालिम दिने, सामुदायिक विद्यालयहरुमा लिटिल डाक्टर कार्यक्रम सञ्चालन गर्ने, आँखा, दाँत र रक्त अल्पताको स्क्रिनिङ् तथा प्रारम्भिक उपचार गर्ने, ७० वर्ष उमेर पूरा भएका ज्येष्ठ नागरिकहरुलाई घरमै आधारभूत स्वास्थ्य सेवा प्रदान गर्ने योजनालाई कार्यान्वयन गरिँदैछ ।महानगरको सूचना शाखाबाट काठमाण्डौ अनलाइन प्राप्त भएको थियो !  

३ वर्षको संघर्षपछि यमबुद्ध Skateboard पार्कको सपना साकार हुँदैछ!मेयर बनेको सुरुदेखि नै हाम्रो पहिलो लक्ष्य काठमाडौंलाई सबैको लागि सहर बनाउनु थियो। सम्पदा जोगाउने कामसँगै युवाहरूको चाहना अनुसारको शहर बनाउने योजनामा हामीले यमबुद्ध स्केटबोर्ड पार्क सुरु गरेका थियौँ। सुरुमै बजेट छुट्याइएको थियो काठमाडौ महानगर वार्ड १६ मा बन्ने कुरा लगभग तय भैसकेको थियो तर तत्कालीन वडा अध्यक्ष स्वर्गीय मुकुन्द रिजालको निधन पछि त्यो ठाउँमा बनाउन जग्गा प्राप्त गर्न सकेनौ ,त्यस पछि अर्को २ वडामा कोसिस गर्यौ । नेपाल सरकारले जग्गा दिन नसकेका कारण तीन पटकसम्म प्रयास गर्दा पनि बनाउन सकिएन। तर काठमाडौं–५ का वडा अध्यक्षज्यू बिरेन्द्र प्रजापति र स्थानीय साथीहरूको अथक प्रयासमा १३ रोपनी सरकारी जग्गा संरक्षण गर्नु भएको रहेछ सोही जग्गामा उहाहरुको अग्रसरतामा सोही अन्ततः २०८१/ २/२९ गते देखि काम अघि बढ्न थाल्यो। अहिले यो पार्कको निर्माण फेजमा छ, करिब आधा काम पूरा भइसकेको छ। यो पार्क केवल खेल्ने ठाउँ मात्र होइन, युवाहरूको संस्कृतिलाई अभिव्यक्ति दिने, कला–संगीतलाई प्रोत्साहन गर्ने र परिवारमैत्री सामुदायिक स्पेसका रूपमा निर्माण भइरहेको छ। अहिले निर्माण करिब ५०% पूरा भइसकेको छ। यस पार्कमा मुख्य विशेषता भने अरु पार्कमा भन्दा फरक शैलीमा बन्दै छ! प्रमुख संरचनाहरू: अन्तर्राष्ट्रिय स्तरको स्केटबोर्डिङ्ग एरिया (र्याम्प्स, बोल्स र स्ट्रिट्स सहित) बालबालिकाको खेलमैदान ओपन जिम ट्वाइलेट ब्लक भलिबल कोर्ट निर्माण कम्पनीले समयमै निर्माण सम्पन्न गर्ने कुरामा भने दुबिधा छन् !नेपालमा हरेक निर्माण कार्यहरु समयमा सकिएको अझै सम्म न्यून संख्याको रेकर्ड नेपालमा प्रसस्तै छन्!  

भक्तपुर नगरपालिकाका प्रमुख सुनिल प्रजापति र अवकाश प्राप्त शहिद धर्मभक्त राष्ट्रिय प्रत्यारोपण केन्द्रका कार्यकारी निर्देशक एवम् वरिष्ठ प्रत्यारोपण सर्जन डा. पुकारचन्द्र श्रेष्ठबीच आज बिदाइ भेट भयो । नगर प्रमुख प्रजापतिले भक्तपुरको परम्परागत भादगाउँले टोपी र खादा ओढाएर उहाँलाई बिदाइ गर्नुभयो । सोही क्रममा नगर प्रमुख प्रजापतिले भक्तपुरको स्वास्थ्य क्षेत्रको विकासमा अंग प्रत्यारोपण केन्द्रको भूमिका उल्लेखनीय रहेको बताउँदै बिरामीको निःस्वार्थ रुपमा सेवा गरी एक इमानदार चिकित्सकको परिचय बनाउन सफल हुनुभएकोमा डा. श्रेष्ठको प्रशंसा गर्नुभयो । डा. श्रेष्ठको तीन कार्यकाल सफल रहेको बताउँदै उहाँले भक्तपुरको स्वास्थ्य क्षेत्रको विकासमा पु¥याउनुभएको योगदानको लागि धन्यवाद दिनुभयो । उहाँले सरकारी सेवाबाट अवकाश लिए पनि स्वास्थ्य क्षेत्रमा देशलाई अगाडि बढाउन महत्वपूर्ण योगदान गर्ने अपेक्षा गर्नुभयो । भक्तपुरमा हुने सभा सम्मेलनमार्फत स्वास्थ्य सम्बन्धी जानकारी दिएर मृगौलासम्बन्धी जनचेतना फैलाउनमा डा. पुकारको ठूलो योगदान रहेको पनि बताउनुभयो । भेटमा डा. पुकारचन्द्र श्रेष्ठले केन्द्रमा आफूले तीन कार्यकाल अर्थात् १२ वर्ष काम गरिसकेको प्रष्ट पार्दै केन्द्रले हालसम्म १५०० भन्दा बढीको मृगौला प्रत्यारोपण र ३५ वटा कलेजो प्रत्यारेपण सम्पन्न गरेको जानकारी दिनुभयो । केन्द्रको हरेक काममा नगरपालिकाको साथ र सहयोग अविस्मरणीय रहेको बताउँदै उहाँले आगामी दिनमा पनि स्वास्थ्य क्षेत्रको विकासमा निरन्तर क्रियाशील रहने बताउनुभयो । भेटपश्चात प्रमुख प्रजापतिले डा. श्रेष्ठलाई नगरपालिकाका प्रकाशन र प्रसिद्ध ‘मयुर झ्याल’ मायाको चिन्हको रुपमा प्रदान गर्नुभयो ।  

  ईन्द्रजात्रा २०८२ को पहिलो दिन उपाकु पदयात्राको क्रममा हुने भिडभाडलाई व्यवस्थापन गर्न निम्न स्थानहरुबाट डाईभर्सन गरिने हुँदा अतिआवश्यक बाहेकका सवारी साधनहरु सो रुट भएर संचालन नगरीदिनुहुन अनुरोध गरिन्छ । डाईभर्सन गरिने स्थानहरु:- बिर अस्पताल, ट्रमा सेन्टर, न्यूरोड गेट, काठमाण्डौं मलको गल्ली, सुन्धारा नयाँ गल्ली, सुन्धारा मूल बाटो, भोटेवहाल पिपलवोट, भोटेवहाल ओरालो, भोटेवहाल अरनिको स्कुल गल्ली, भोटेवहाल (त्रिपुरा मार्ग) मूल सडक, मचली (त्रिपुरा मार्ग), गोफल, टेकु चोक, बण्डे, ह्यूमत, दलाक्षी, जैशिदेवल, यंगाल, क्वहिटी, परोपकार, भिमसेन स्थान, रामघाट, छवासा पाखा, शान्ति निकुञ्ज गल्ली परोपकार, काष्ठमाण्डप, प्याफल, नमुना विहार कंग, ध्वाख्वाछे गल्ली, दमाईचा घाट गल्ली, केताहिटी, ताम्सीपाखा, टेगल रक्तकाली, क्षेत्रपाटीपार्टी प्यालेस दक्षिण गेट मूनी, क्षेत्रपाटी पब्लिक युथ कलेज, पंकनाजोल (कालधारा तथा सात गुम्ती), चाक्सीबारी (काठमाडौ गेष्ट चोक), ठमेल चोक, ढलको चोक, क्वावहाल चोक, ठमेल संचय कोष, ज्याथा चोक, ज्याथा छुस्या गल्ली, जमल ज्याथा जाने गल्ली, जमल कमलाक्षी, भोटाहिटी, असन, भेडमसिंह, मखन महादेव । स्थानीय र यस क्षेत्रमा अवाताजवात गर्ने सबैलाई सहज गर्न ट्राफिक प्रहरीले रुट ब्यवस्था गरिएको जानकारी काठमाडौं अनलाइन जनाकै दिनुभएको छ !  

भक्तपुर नेपाल सरकारले भूमिहीन दलित, भूमिहीन सुकुम्बासी, अव्यवस्थित बसोबासीलाई जग्गा उपलब्ध गराउने र भूमिसम्बन्धी समस्या समाधान गर्न भूमि समस्या समाधान आयोग गठन गरेको छ । सोही विषयमा भक्तपुर नगरपालिकाका प्रमुख सुनिल प्रजापतिको अध्यक्षतामा भूमि समस्या समाधान आयोग, जनप्रतिनिधि तथा कर्मचारीहरुबीच अन्तरक्रिया कार्यक्रम सोमबार सम्पन्न भयो । कार्यक्रममा बोल्दै भक्तपुर नगरपालिकाका प्रमुख सुनिल प्रजापतिले नेपाल सरकारले नागरिकहरुलाई आवासको हक सुरक्षित बनाउने नाउँमा पटक पटक सुकुम्बासी समस्या समाधान आयोगहरु गठन गरे पनि समस्या समाधानमा हुन नसकेको बताउनुभयो । भूमिहीनलाई जग्गा उपलब्ध गराउनु भन्दा प्रत्येक नागरिकलाई योग्यताअनुसारको काम र कामअनुसारको ज्यालाको बन्दोबस्त गर्नु आवश्यक भएको बताउँदै उहाँले भूमिहीन दलित र सुकुम्बासीहरुलाई आफू बसोबास गर्दै आएको जग्गा दिने व्यवस्थाले ठूलो चुनौती थपिने सक्ने धारणा राख्नुभयो । अभिमुखीकरण कार्यक्रममा भूमि समस्या समाधान आयोगका उपाध्यक्ष सनतकुमार कार्कीले भूमिहीन दलित, भूमिहीन सुकुम्बासी, अव्यवस्थित बसोबासी र उत्पीडित वर्गको पक्षमा काम गर्नका लागि आयोगको गठन भएको बताउनुभयो । भूमिहीन सुकुम्बासीको पहिचान स्थानीय तहबाट मात्र सम्भव हुने हुँदा स्थानीय तहको सक्रियताले आयोगको काम अगाडि बढाउन मद्दत पु¥याउने उहाँले प्रष्ट पार्नुभयो । कार्यक्रममा आयोगका सदस्य तथा बागमती प्रदेश संयोजक गुञ्जकुमार खड्काले आयोगको उद्देश्य, काम, कर्तव्य र अधिकार क्षेत्रबारे प्रस्तुतीकरण र छलफलमा उठेका जिज्ञासामाथि पनि प्रष्ट पार्नुभयो । अभिमुखीकरण कार्यक्रम भूमिसम्बन्धी समस्या समाधान आयोग जिल्ला समिति भक्तपुरका अध्यक्ष दिपक बिसुन्खे र भक्तपुर नगरपालिका वडा नं. ९ का वडाध्यक्ष रविन्द्र ज्याख्वले पनि बोल्नुभएको थियो ।  

    माओवादी नेता जनार्दन शर्मा प्रभाकर शान्ति प्रक्रियासँगै थुप्रै लाभका पदहरु लिने मध्येका एक नेता हुन् । उनले लिएका लाभ र उनीमाथिका आरोपहरु तपाईका लागि उपयोगी हुन सक्छन् । -शान्ति तथा पुनर्निर्माण मन्त्री (२०६५ भदौ २ देखि २०६६ जेठ ११ सम्म) -ऊर्जा मन्त्री (२०७३ साउन ३० देखि २०७४ जेठ २४ सम्म) -गृह मन्त्री (२०७४ वैशाख २४ देखि २०७४ असोज ६ सम्म) -अर्थ मन्त्री (२०७४ असोज ६ देखि २०७४ पुस २८ सम्म) -अर्थ मन्त्री (२०७८ असार २९ देखि २०७९ असार २२ सम्म) प्राप्त सुविधाहरूः -मन्त्रीको मासिक तलब, भत्ता, र अन्य आर्थिक सुविधाहरू। -सरकारी गाडी र चालक सुविधा। -मन्त्रीका लागि सरकारी निवास वा आवास भत्ता। -मन्त्रीको हैसियतमा व्यक्तिगत सुरक्षा र सुरक्षाकर्मीहरू। -मन्त्रीको कार्यालय सञ्चालनका लागि कर्मचारी, सल्लाहकार, र अन्य सहयोगीहरू। -आधिकारिक भ्रमण, बैठक, र अन्य सरकारी कामका लागि यात्रा भत्ता र खर्च। -सरकारी अस्पताल वा विशेष स्वास्थ्य सुविधाहरू। २०७७ माघमा माओवादी केन्द्रका मन्त्रीहरू विनाविभागीय बनाइएका थिए, तर उनीहरूले राजीनामा नदिएर सरकारी सुविधाहरू प्रयोग गरिरहेको भन्दै आलोचना भएको थियो। त्यसमा जनार्दन शर्मा पनि थिए । विभिन्न भ्रष्टाचारका आरोप र काण्डहरू: -जनार्दन शर्मा अर्थमन्त्री हुँदा (२०७८ असार २९ देखि २०७९ असार २२) बजेट निर्माणको समयमा मन्त्रालयमा अनधिकृत व्यक्तिहरूलाई प्रवेश गराएर करको दर हेरफेर गरेको आरोप । यो आरोपका कारण उनले २०७९ असार २२ मा अर्थमन्त्री पदबाट राजीनामा दिए। -जनार्दन शर्मामाथि २०८१ अर्थमन्त्री हुँदा अन्तःशुल्क सम्बन्धी नीतिगत भ्रष्टाचारमा संलग्न भएको आरोप लाग्यो। यो काण्डमा अर्थ मन्त्रालयका तत्कालीन सचिव पुष्करसँगै उनको नाम पनि जोडिएको थियो।  

    नेपाल लाइफ इन्स्योरेन्स कम्पनी लिमिटेडका CEO प्रवीण रमण पराजुलीद्वारा काठमाण्डौ उपत्यका ट्राफिक प्रहरी कार्यालय रामशाहपथलाई हस्तान्तरण गरिएको Smart Board ग्रहण गर्नुहुँदै यस कार्यालयका कार्यालय प्रमुख प्रहरी वरिष्ठ उपरीक्षक नवराज अधिकारीज्यू साथमा यस का.उ.ट्रा.प्र.का रामशाहपथका प्रहरी कर्मचारी र नेपाल लाइफ इन्स्योरेन्स कम्पनी लिमिटेडका पदाधिकारीहरु सहभागी भएको थियो!

नेपाल नगरपालिका कर्मचारी एशोसिएसन भक्तपुर नगरपालिका समितिको आयोजनामा नेपाल मजदुर किसान पार्टीलाई समूल नष्ट गर्ने उद्देश्यले पञ्चायती सरकारले रचेको षड्यन्त्र ‘भक्तपुर काण्ड’ को विरोध एवम् भत्र्सना कार्यक्रम शुक्रबार भक्तपुर नगरपालिकाको सभाकक्षमा सम्पन्न भयो । कार्यक्रममा बोल्दै भक्तपुर नगरपालिकाका प्रमुख सुनिल प्रजापतले समाज, देश र जनताको लागि निःस्वार्थपूर्वक सेवामा लाग्ने नेता र कार्यकर्ताहरुविरुद्ध कुनै पनि षड्यन्त्र हुन सक्ने तर्फ सचेत र संगठित भएर बस्नुपर्ने विचार व्यक्त गर्नुभयो । भक्तपुर काण्ड नेपालको राजनैतिक इतिहासमा राज्य स्तरबाट रचिएको नियोजित षडयन्त्र हो भन्दै इतिहास दोहोरिन्छ तर फरक ढंगले, त्यसकारण यस्तो षड्यन्त्रहरु फेरि फेरि पनि हुन सक्नेतर्फ सजग हुनुपर्ने बताउँदै राजनैतिक रुपले सचेत र संगठित व्यक्तिले जस्तोसुकै संकट सामना गर्न सक्षम हुने उहाँले बताउनुभयो । नेमकिपाले प्रतिकृयावादी संघ संस्थाभित्र गएर जनताको सेवा गर्ने नीतिअनुुसार पंचायती व्यवस्थाले गरेका हरेक निर्वाचनलाई उपयोग गरी पंचायत विरोधी संघर्षलाई तीब्र बनाउ“दै लगेको स्पष्ट पार्दै उहाँले नेमकिपाले निर्वाचनलाई उपयोग गरेर पञ्चायतका विकृतिहरु जनतासमक्ष उदंग्याउने काम गरेको बताउनुभयो । कामदार वर्गले निरन्तर पू“जीपति वर्गको विरुद्ध सम्झौताहीन संघर्ष गर्नुपर्ने र शत्रुसामु लचिलो नभइ झन् कठोर भएर प्रस्तुत हुनुपर्ने पाठ भक्तपुर काण्डले सिकाएको प्रमुख प्रजापतिले स्पष्ट पार्नुभयो । जस्तोसुकै प्रतिकुल अवस्थामा पनि अनुकूलता खोजी काम गर्न उत्साहित गर्दै उहाँले का. राहितद्वारा लिखित फाँसी दे पुस्तक त्यसकै एउटा दरिलो उदाहरण हो भन्नुभयो । भक्तपुर काण्डले महिलाहरुलाई पनि राजनैतिक रुपमा संगठित हुन सिकाएको बताउँदै उहाँले कम्युनिष्टहरुले कसरी राम्रो काम गर्ने उदाहरण भक्तपुरले देखाएको बताउनुभयो । उपप्रमुख रजनी जोशीले भक्तपुर काण्डजस्तो षड्यन्त्र जुनसुकै बेला फेरि दोहोरिन सक्छ भन्दै नेमकिपाले हरेक वर्ष भक्तपुर काण्डको भत्र्सना गर्दै नयाँ पुस्तालाई सचेत पार्ने काम गर्दै आएको बताउनुभयो । नेमकिपाले बाली काट्ने आन्दोलन, भर्पाई आन्दोलन, मोहियानी हक संरक्षणको आन्दोलन र भ्रष्टाचारविरोधी आन्दोलन गर्दै सामन्तवाद तथा पू“जीवादविरोधी आन्दोलनमा सकृय भूमिका खेल्दै आएको बताउ“दै उहाँले असल मानिसलाई फसाउन खोज्नेहरु आपैm नष्ट हुन्छन् भन्ने एक उदाहरण भक्तपुर काण्ड बनेको बताउनुभयो । कार्यपालिका सदस्य रोशनमैंया सुवालले भक्तपुर काण्डको समयमा भएका षड्यन्त्रहरुबारे प्रष्ट पार्दै भक्तपुर काण्डमा महिलाहरुले अदम्य साहसका साथ राज्यस्तरको खुला षड्यन्त्रविरुद्ध एकजुट भई डटेर काम गरेको स्मरण गर्नुभयो । उहाँले नेमकिपालाई समुल नष्ट पार्ने उद्देश्यले राज्यस्तरबाटै भएको भक्तपुर काण्डको षड्यन्त्र रचिएको हो भन्दै भक्तपुर काण्डबारे भएको जालसाजीपूर्ण सर्जजमिनबारे स्पष्ट पार्नुभयो । नेपाल नगरपालिका कर्मचारी एशोसिएसन भक्तपुर नगरपालिका समितिका अध्यक्ष गौतमप्रसाद लासिवाले भक्तपुर काण्डले नै पञ्चायती व्यवस्थाको अन्त्य गर्न सघाउ पु¥याएको बताउँदै उक्त समयमा कर्मचारीहरुलाई जबरजस्ती अवकाश लिन लगाउने, धम्की दिनेलगायतका त्रास उत्पन्न गराउने गतिविधिहरु भएको बताउनुभयो । उहाँले भक्तपुर काण्डको समयमा नगरपालिकाका कर्मचारीहरुलाई पनि झुटो मुद्दामा फसाएर चरम यातना दिएको आज पनि स्मरणीय भएको बताउनुभयो । कार्यक्रममा एशोसियसनका सहसचिव विकास प्रजापतिले स्वागत मन्तव्य राख्नुभएको थियो भने सदस्यद्वय दिलकृष्ण माक र राजेश दिस्तीले पनि भक्तपुर काण्डबारे बोल्नुभएको थियो ।  

भक्तपुर भक्तपुर नगरपालिकाका प्रमुख सुनिल प्रजापतिसँग त्रिभुवन विश्वविद्यालय कन्फ्युसियस इन्स्टिच्युटका निर्देशक चाङ्ग सीननियनले आज नगरपालिकाको सभाकक्षमा भेट गर्नुभयो । भेटमा उहाँहरुबीच भक्तपुर नगरपालिकामा सञ्चालित शैक्षिक संस्था र त्रिविवि कन्फ्युसियस इन्स्टिच्युटबीच सहकार्य स्थापना र चिनियाँ भाषा पठनपाठन विषयमा छलफल भयो । सो क्रममा नगर प्रमुख प्रजापतिले भक्तपुरका विद्यालय तथा कलेजहरुमा चिनियाँ भाषाका कक्षा सञ्चालन भइरहेको र नगरपालिकाले पनि चिनियाँ भाषालगायत विभिन्न विदेशी भाषाको तालिम सञ्चालन गर्दै आएको बताउनुभयो । भक्तपुर भित्रिने पर्यटकमध्ये चिनियाँ पर्यटकको संख्यामा उल्लेख्य वृद्धि भइरहेको बताउँदै उहाँले नगरपालिकाले चिनियाँ भाषाका पथप्रर्शकहरुको व्यवस्था पनि गर्दै आइरहेको बताउनुभयो । चिनियाँहरुको नेपाल भ्रमणले नेपाली जनताहरुलाई उत्साहित गरेको बताउँदै उहाँले नेपाल र चीनबीच भौतिक रुपमा नजिक भएजस्तै नेपाल मजदुर किसान पार्टी र चिनियाँ कम्युनिष्ट पार्टीबीच सिद्धान्त र विचारमा पनि नजिक रहेको बताउनुभयो । नेमकिपा समाजवाद स्थापनाको लागि संघर्षरत देशको कम्युनिष्ट पार्टी हो भन्दै उहाँले चिनियाँ कम्युनिष्ट पार्टीको कामबाट नेपालले धेरै सिक्न चाहेको विचार राख्नुभयो । नेपालका धेरै विद्यार्थीहरु उच्च शिक्षा अध्ययनको सिलसिलामा चीनमा रहेको बताउँदै उहाँले नेपाली विद्यार्थीहरुलाई छात्रवृत्रिमा अध्ययन गर्ने अवसर दिएकोमा चिनियाँ सरकारप्रति धन्यवादज्ञापन गर्नुभयो । त्रिभुवन विश्वविद्यालय कन्फ्युसियस इन्स्टिच्युटका निर्देशक चाङ्ग सीननियनले नेपालमा सन् २०२२ मा औपचारिक रुपमा उद्घाटन गरिएको त्रिविवि कन्फ्युसियस इन्स्टिच्युट स्थापनाको उद्देश्यबारे प्रष्ट पार्दै यो संस्थानले दुई देशबीच भाषा र सांस्कृतिक आदानप्रदानमा जोड दिँदै आएको बताउनुभयो । दुई देशबीच संस्कृति र पर्यटन आदानप्र्रदानमा पनि सहकार्य गर्न सकिने धारणा व्यक्त गर्दै हाल उक्त इन्स्टिच्युटमा ६ जना चिनियाँ शिक्षकहरु कार्यरत रहेको अवगत गराउनुभयो । भक्तपुर नगरपालिकाद्वारा सञ्चालित ख्वप इन्जिनियरिङ कलेज र ख्वप कलेज अफ इन्जिनियरिङ तथा बागीश्वरी कलेजको स्थलगत अवलोकन गर्नुभएका सीन नियनले भक्तपुरमा चिनियाँ भाषा शिक्षणको राम्रो अवसर छ भन्नुभयो । भक्तपुरमा चिनियाँ भाषाको शिक्षालाई अगाडि बढाउन सके दुई देशबीचको कला, संस्कृति र साहित्यलाई पनि सँगसँगै अगाडि बढाउन टेवा पुग्ने बताउँदै उहाँले भक्तपुर नगरपालिकासँग विभिन्न विषयमा सहकार्य गरी अगाडि बढ्न आफूहरु उत्सुक रहेको बताउनुभयो । कार्यक्रममा त्रिभुवन विश्वविद्यालय कन्फ्युसियस इन्स्टिच्युटका नेपाली पक्ष निर्देशक बलराम दुवाल, चिनियाँ स्वयम्सेवक शिक्षक लुओ चिमेई र चिनियाँ भाषा प्रशिक्षक राजेन्द्र चवालको पनि उपस्थिति रहेको थियो । नगर प्रमुख प्रजापतिले निर्देशक सीन नियनलाई नपाका प्रकाशनहरु उपहारस्वरुप प्रदान गर्नुभयो ।